قمة التناقض ...!

فأصبحت ترى أكثر ما كان يؤلمك ... جميل ؟!

عندما ترى في أكثر لحظات ضعفك وإستسلامك لها يوجد أيضا شيء ما بداخلك يرفض إستسلامك هذا ويعلنها بقوة متسترة في الداخل ...

و كأنه يرفع علم دولته بكل قوة وشجاعه في مواجهة الآخر ... لكنه يرفعه في غرفة شديدة الظلمه ...

فعلى الرغم من أنني أعلم أنه موجود إلا إنني لا أراه ولا أستطيع أن أتقوى به ... أو أحتمي به ...

لكنني احترم قوته غير المرئيه ... وطالما أنني أرى أنها موجوده ... إذن المتبقي هو أن أضيء تلك الغرفه المظلمه .....

لكن ما حدث بكل أشكاله قد جعلني أرى حقيقه واضحه ...

" أنك أهم شخص في العالم ... لشخص ما ....

.

هذا الشخص هو أنت ! "

؟؟؟!

أي أن أول من يهمه أمرك هو انت .... نعم .. لا تتعجب ...!

تلك هي الحقيقه ....

مهما حزن الناس عليك ... مهما قالوا انه يحتاج الى كذا ... يفتقد الى كذا ... أضاعوا عمرهم معك ...

في النهايه ... سيملوا .. سيتعبوا ... سيتركوك وحدك ... يتركوك لسلبيتك وانهزامك ...

نعم ستكتشف أن لكل منهم في النهايه حياتهم ...

ومهما اعتقدت بأنك تثبت شيئا .. هو في النهايه عليك ... نعم عليك وحدك ...

وحدك !

وعندما اعتقدت أنك تصل للنهايه وتستسلم وتترك كل شيء .. أنت أول من كان متأكد بأن هذا كله من الممكن أن ينتهي ولا يتكرر ...

أنت أقوى من أن تترك نفسك للإستسلام !

لأنك لن تستطيع أن تستسلم ; ) .... نعم تلك هي الحقيقه ... لأنك جربت هذا وفشلت ... نعم ...

لم الخوف الآن ... مم تخف ؟؟؟؟ من ان تستسلم وتضيع حياتك ؟؟؟؟ !!!

إبقى تعالى !

انت نفسك معرفتش تكمل يوم واحد مستسلم .. صدرك ضاق ومعدتش مستحمل اللي انت بتعمله ...

ممكن تكون مش قادر ساعتها ... لكن أنا فرحان إنك مكنتش قادر ساعتها ... بجد ...

أنا فرحان فيك ; ) ...

كل لما تيجي تلاقي فكرة في دماغك ... إسألها "على رأي واحد صاحبي " إيه يعني ؟ آخرك إيه ؟؟؟

هتقولك لا لا عادي .,. هشتغل نفسي شويه ... وبعدين هبقى كويسه ...

يبقى قلها ... خلاص ... بح ...

انت معدش منه فايده إنك تقفل في نفسك وبتاع .. والدنيا خلاص ... ومود السواد العزيم ...

لا يا باشا .. شكرا أوي على كدا ...

غيرنا الصنف ...

من أول دلوقتي ... لو شفتك مضايق هيطلع عينك ... لو شفتك مخنوق أنا أول واحد هيشتمك وادام الناس اللي قاعده تتفرج وبتقرا المسخرة دي كلها ... : )))))

تمام كدا ؟

والناس دي كلها أهو ... لاتعرفني ولا تعرفك وشاهده عليك كلها ...

و أقولك على حاجه ظريفه أوي ...

اللي يعاملك وحش ... عامله كويس ...

.

واضحك على نفسك أوي

.

لو لقيت نفسك بتفكر تضايق ... ( الزيادة دي من عندي ) ...
.
يا أهبل !

من أول النهارده مش هكتب باللون دا ومشتقاته ..

.

من النهرده نور ... وإحتمال كبير جدا

.

أشيل اللون الأسود اللي في خلفية البلوج ...

.

يمكن اصلا عند عشان كل الكلام اللي

.

باللون الرخم دا ميبانش و أنساه إلى الأبد ...

.

يارب ...