أقول إيه ؟؟؟؟؟

بجد أقول إيه ؟؟؟؟؟؟

هو أكيد الكلام مخلصش ...

و أكيد أنا لسه بعرف أتكلم ...

بس برده مفيش كلام ....

ولا في ومش راضي يطلع ...

هي تفرق ؟؟؟؟؟؟؟؟؟

طبعا تفرق ...

لو انت عطشان جدا ... وادامك نهر ...

فرايح تشرب لقيته فجأه نضب ... فضى خالص ... فمشربتش ...

في سببين ..

اول سبب ان تكون الميه خلصت ودا صعب جدا ...

او يكون في بوابه كبيرة حابسه وراها كمية ميه يمكن اكتر مما تتحمل كبوابه ....

وهو ما يسمى الهدوء قبل العاصفه ....

...........

الصمت ليس دائما لعدم وجود الكلام ....

...........

مدونه ... وكلام .. وحاجات كتير .. صور وساعات ردود وتواصل ......

واقيت الكلام هو هو ... هو في إيه ؟؟؟

كلامي هو نفس الكلام ...

وعلى فكرة دا حقي ... سيبك من ان مدونتي والكلام الفارغ دا ...

لا حقي .. لسبب تاني ...

الحق في الحياة ... شفت الكلام الكبير ......

ايوة الحق في الحياة المكفول لكل مخلوق على هذه الارض ...

تخيل انه من الممكن ان يسلب منك ...

هتفكر في حاجه تانيه ساعتها ...

هتفكر في الناس .. طيب هيقولوا ايه ... طيب شكلي ... طيب الفلوس والشغل والكليه ... طيب عيلتي وقرايبي .....

لا مش هتفكر ...

هتفكر في اخر ما تبقى لك ...

لانك لو اصبحت لا تملك شيء سيتبقى معك الحق في الحياة .... فلا تتركه ... لانه اهم ما تملك ....

من حقك ان تبحث عن حقك في الحياة ... وتعافر وتقاوم وتفضل تحارب لحد ما تلاقي نفسك ...

اللي اتكسر جواك كتير كتير كتير كتير ... ومحدش صلحه ... ويمكن محدش خد باله انه انكسر اصلا ...

جه وقت انك تراعي نفسك ...

لان دا اسمه الحق في الحياة ...

حياتي .. سادافع عنها ....... وساحتمي بها ولها .....

لو كانت الانانيه في ان اتمسك بحقي في الحياة الذي طالما اهدرته لدرجه انه قد يضيع ...

فسموني ما شئتم ....

لو كنت مقصرا في شيء لا يستطيع سواي عمله ... فخوفي مبرر بل ومبرر جدا ...

لاني اخاف على نفسي ... نفسي الحقيقية ... حياتي كلها ...

عندما يصبح الصراع على الحياة برمتها فالمجازفه صعبه جدا ....

قد يكون كلامي خياليا للبعض .. وقد يكون مبالغا فيه للاخرين .. وقد يكون مفاجئ ... وقد يكون اصبح هو المعتاد فلا فرق ...

ممكن ...

لكنني فعلا امسك بحقي في الحياة ....

واسير في الاتجاه الصحيح .. وكل خطوة فضل من سابقتها .. وكل يوم هو يوم جديد .. وهو افضل يوم في حياتي ....

هذا أنا ... اللهم ارحمنا وأعنا .......