شوية فضفضه !

مش عارف ليه بقالي فترة حاسس احساس غريب تجاه المدونه كدا ...

ويمكن دا ظاهر في البوستات اللي باكتبها ...

وهو اني مش عارف اكتب في المدونه زي الاول ..

ولأني مبعرفش اكتب غير الكلام الصادق أوي ...

ففي ساعات كلام بيطلع مابيبقاش بنفس درجة صدق الكلام اللي طالع من جوه اوي ...

لكنه بيبقى حاله .... بحترمها جدا لكنها ليست السائد !

المهم ... انا حابب اعمل حاجه يمكن معملتهاش قبل كدا الا قليل على المدونه اللي كبرت وبقى عندها سنة وشهر اهو ...

وهو اني افضفض :)

ايوة افضفض ... كدا .... و لأن بقى عندي احساس ان معدش حد بيدخل في المدونه ...

للسبب اللي انا قلته .... وللاخ الفيس بوك ... اللي انا وكل الناس بتخش عليه وخلاص ... وهو انجز ...

فبقيت حاسس ان المدونه عامل زي شريط الكاسيت والفيس بوك زي الام بي ثري مثلا ...

لكن عودة للأصاله ...

ورغم اني عملت حاجه معرفش هي حلوة ولا لأ ولا عارف بتتشال ازاي ...

ان كل كلمة في المدونه بتروح للاخ الفيس بوك ...




المهم ....

مش جاي افضفض انا النهارده عن الفيس بوك ...

اللي لفت انتباهي هو مدونه زميله ...

بتقول " عايزة أتطلق "

و انا مش جاي عشان اقول ان دا صح او غلط اد ما لفت انتباهي حاجه تانيه ...

وهي عايزة اتجوز ...




مش هقول ايهما اسمى منزله ...

لأن مجتمعنا صعب في التعامل مع الفئتين ...

اللفظين الصعبين ... عانس ومطلقه !

لكنني أرى قسوة أكثر في التعامل مع من لم تتزوج بعد ...

وكما قالت د / غادة غبد العال ... ان في عداد بيعد بعد سن معين ....

دا غير الكلام اللي بيترمى من هنا ومن هنا ...

في أي مناسبه ... في أي فرح ...

احتياج البنت للأمومه ... وهو ما أراه أصعب احساس تفتقده البنت ...

عشان كدا بصراحه استفذني عايزة اتطلق ...

مع شديد ووافر الاحترام للمعاناه التى قد تعانيه المتزوجه ...

لكني ضد أن تكون مدونه تدعوا للهدم ... وكأنها الفرصه في الحريه ....

ويالال بينا عشان نعمل ابغض الحلال ... انا رأيي ان دي آخر خطوة ...

احيانا بتكون مطلوبه ... لكني برده شايف ان دي نعمه على الاقل ان يبقى في ولاد ..

عايشين مع ابوهم وامهم ... مهما كانت المشاكل انه يعيش مع ابوة وامه لاغنى عنه ...

لكن ايضا الطلاق احيانا لا مفر منه لكني كما قلت مرحلة اخيرة ؟... لا نروج لها ...



وفي النهايه ... هذا رأيي ...