تعبت !

مع بداية عام جديد ... يقابله الجميع بابتسامه أمل ...

وربما بكسر شيء ما على العام الفائت ...

وربما بعدم اهتمام من الاساس ...

ولكنني قابلته بضيق بالغ ....

لا اعلم حقيقة عما سأتكلم ...

لكنني احمل في داخلي الكثير الكثير من الكلام ....

سأقول حتى ينفذ مني الكلام !

يدور في ذهني ...

لماذا ...

لييييييييييييييه ...

ليه انا ؟؟؟

ليه انا سهل التأثير عليا من الناس ...

مش في نقاش ... ولكن ما اتكلم عنه هو ببساطه ما يعرف بالارهاب الفكري ...

وهو ان تؤثر سلبا على من هو بجانبك دون ان تتأثر انت تماما ...

او حتى تتأثر ... ولكن تأثرك لا يقارن بتأثري أنا ...

وهو أيضا أن تمارس حقا من حقوقك وتسلبه مني ...

وتعنفني لأنني تساويت او طلبت المساواه ...

ازعم انني امتلك بعض القوة في بعض الامور ...

لكنني مازلت ضعيفا و مازال ينقصني الخبرة وقوة القرار والثبات في امور اخرى

بجد ...

تعبت ...

المواضيع البسيطة اللي بتأثر عليا تأثير كبير ... بقت بتتكرر ...

وبقت ملحه ... وبتضايقني جدا ...

انا دايما راضي بكل حاجه فيا وبحالتي ...

لكن مرة كدا هتفلت مني ... ويمكن ازعق شوية ...

ويمكن اضايق شوية ...

لأني بشر... ومن حقي اضايق ...

انا نفسي اعمل حاجات كتير ...

وكل لما افكر انا اد ايه حاجات صغيرة بتوقعني ...

بتخبط في حلمي ...

وانه كدا ممكن ما يتحققش ... لأني ضعيف ...

يارب ... انا تعبت ...

نقطة تانيه كمان ....

وهي نقطة التدخل ...

امتى اقول اني لازم اتدخل ...

امتى اقول اني اقدر اتدخل وانقذ موقف ....

واكون فعلا اده ...

واعمل دا ...

وما اتواجهش باني مش قادر ...

او ان الموضوع طلع اكبر مني ...

فيبقى الحل اني من الاول ابعد وما اعملش حاجه ....

عشان احمي نفسي ...

يمكن ساعتها ابقى قوي شوية واقدر اعمل حاجه ...

طيب تعمل ايه لو محدش بيعمل حاجه ...

مش هتعمل حاجه انت كمان ...

يارب انا تعبت ...

ومسئولية عليا ...

وضغط من اتجاهات كتير ....

ونفسي في حضن وحد يسمحلي اني اعيط ...

ويقولي ما تخافش وما تقلقش ...

انا معاك ...

يارب ... انا تعبت ...