..

يا يا .. يا هلترى ..

يا هلترى مسموح ..

أفتح عيوني .. أفتح عيوني و أبوح ..


...



أفتح قلبك مرة .. للأسمر والسمرا ..

أفتح قلبك قوم بينا .. ليه نضحك على بعضينا ..

دا الكون جوانا وفينا ... يضحك لكن بإيدينا ..



افتح قلبك ما تقولش ... كل الألوان أهي تمشي ..

الأسود طرحة أمسي ... والأبيض طلعة شمسي ...

من قلمك إرسم لونك .. والعايمة لازم ترسي ...!



إفتح قلبك ما تخافشي ... دي الدنيا مابترحمش ...

مهما تخاف إنك تمشي .. من الاحزان ماهتسلمش ...



أفتح قلبك ما تندمش .. يا تعيش مرة با متعيشي ..

إفتح قلبك ما تخافشي ...


أفتح قلبك ما تندمش .. يا تعيش مرة با متعيشي ..

إفتح قلبك ما تخافشي ...


أفتح قلبك ما تندمش .. يا تعيش مرة با متعيشي ..

إفتح قلبك ما تخافشي ...

...




...


كل هذا مقدم من

منير

عفوا ...

تلك هي مدونتي أنا ...

لن أسجن نفسي في أي قالب ...



سأضحك إن أردت ...

سأبكي إن أردت ...

سأحزن إن أردت ...

لا للإبتسام إذا لم يكن من القلب ..

استوقفتني الجمله جدا ...

أهو يصح ... أو يصلح ... ينفع ؟؟؟
هل الرومانسية تفقد ؟؟؟
هل الجد يضيع الرومانسية ... هل هي أصلا شيء جميل ... ام كئيب ...

فلقد اكتشفت ضياع بعض رونق وضياء الرومانسية ..
فأين البحر .. و أين الرمال ... و أين الغروب وأين الشروق ...
و أين قصر النيل ... و أين سيدي بشر .. و لسان جليم ... والقلعه ... وبير مسعود ..
أين ...
لقد تحولت الى باحث عن مناظر .. مصوراتي ..

بيتفرج عالدنيا من بره .. وباينه نسى الاحساس نفسه ..

بجد الاحساس هزني .. هي الرومانسية بتروح .. هو الاحساس بيطفى ...

وهو بيرجع تاني ؟؟؟؟

وهل لكي يشاهد الآخرون الرومانسية ... ويشعروا بها ...

هل على أن أدفع أنا الثمن ؟؟

بجد السؤال هزني ...!

سأبحث عن النجاح ...

تلك هي من قواعدي ...

· إن من يتوقع الأسوأ .. يحدث له .. ومن يتوقع الأفضل يحدث له ..( أنا عند حسن ظن عبدي بي )

· من جد وجد ومن زرع حصد ..

· إن الموجب دائما ما يجذب .. والسالب دائما ما ينفر ..

· الأمم التي تبني نفسها وليست التي تبني الشوارع والبيوت فقط هي من تقود الحضارات !

· فتبينوا حتى تتثبتوا ...

· الإبداع هو الخروج من المعتاد والمعقول الى الغير معقول ...

· وما أوتيتم من العلم إلا قليلا ... ابحث دائما عن العلم لأن هناك المزيد ...

· وهو الذي خلق الموت والحياة ليبلوكم ...

· أنا أعرف رجلا لا يفشل ... هو من لا يعمل ..

· بعد 1000 محاولة فاشلة .. إديسون أنار العالم ...

· تقبل لنفسك الفشل ... كل فشل هو تجربه ... وكل تجربه هي خطوة على سلم النجاح ..

· ليس هناك ما يسمى بالفشل .. هناك ما يسمى بالتجارب ...

· العقل الباطن لا يفرق بين الحقيقة و الخيال !!!

· عند حدوث أي مشكله .. إبحث عن السر .. أو الرساله التى ورائه ..

· التقبل هو حل للعالم بأكمله وليس لنفسك فقط ...

· ليس مهما ان تكون فاهما لكل شيء .. المهم أن تستطيع فعل شيء ...

· الناجحون ليسوا هم من يعلمون أكثر .. لكن من يستطيع تقريب ذلك ويستخدمه في النجاح ..

نظرا للأزمه الاقتصادية العالمية ...

ونظرا لحالة الركود العام ...

نعود مع مجموعة ظريفه جدا من الصور المعبرة ..

وبانتظار التعليقات ( آل يعني حد بيخش )

المهم ... انا هعمل الموضوع باذن الله ...

استمتعوا ...

إبقى تعالى !

جميع الصور المنشورة منقوله من مواقع .. ,ولا تعبر عن وجهه نظر صاحبها ولا ناشرها ... وانما تعبر عن وجهه نظر القارئ ..

طق طق طق ... conference !

بسم الله الرحمن الرحيم ... نفتتح الconference ... نادي يا بني عالمشاركه الاولانية ...

المنادي : مفيش النهارده غير مشاركه واحدة ياريس ... تنفع ؟؟

القاضي : هو إيه اللي تنفع ... متنادي يا بني ..!

المنادي : المشاركة الاولى و الاخيرة النهارده .. مشاركة الاستاذ المذكور صاحب المدونه والرد على المشاركه المقدمه لسيادتكم هي من الاستاذ صاحب المدونه برده ... ( هو في إيه .. هو أنا اللي مهنج ولا هما ولا احنا الاتنين دا حتى القاضي عداها .. يمكن مخدش باله ؟؟ , يمكن يا سيدي ... أمال ليه معايا انا بس بيبقى صاحي أوي ؟! .. ما علينا) ..

القاضي : الدفاع يتفضل ...

الدفاع : إن المشاركه التي بين ايادي سعادتكم سهلة وبسيطه و واضحة وضوح الشمس في كبد السماء

(( نيا هاها ها ها .... دا انتو هتموتوا استعارات مكنية .. اما وريتكم ... نيا هاهاهاها )) ...

القاضي : (هو كل يوم نفس المشاركه ولا ايه ... هو انتوا كلكوا مركزين مع الكبدة بس ليه ... ولا عشان ما بحبهاش .. ماشي ادي دقني لو اديتك حق ولا باطل ... يلا ياعم ... اي واحد بعد كدا هيقوللي كبده كدا عالصبح هديله تابيد ان شاء الله لو كان جريمة رمي قشر اللب عالارض ) ياريت نخش في الموضوع وبلاش الاستعارات المكنية الفارغه دي ...

الدفاع : ماشي يا ريس ..( أقوله ايه اقوله ايه .. دا امبارح بس ركزت في الاستعارات ... من اولها كدا نشيلهم كلهم ... ايوة ايوة .. اطلب التأجيل ... بس من أولها كدا تأجيل ... طيب قول اي حاجه تخللي الراجل اللي مديلك المشاركه يظبطك في اي سبوبة وانت خارج كدا ... أقوله ايه فولة ايه .. يا دي الخيبه ... من زمان وانا قلت لماما مبحبش المحكمه عشان بتووتر فيها ... فينك بقى دلوقتي يا ماما ؟!)

القاضي : متتكلم يا بني بقى خنقتني....

الدفاع : ايه ؟... آآآه ... لا مؤخذه يا ريس .. بسم الله الرحمن الرحيم ... وبة نستعين ..

القاضي : هو المتش بين ومين يا بني ... يا بني اتكلم يا حبيبي .. انت هتخطب ... قول يلا خلينا نخلص ..

الدفاع : حاضر يا ريس ... نخش في الموضوع ( هتيجي اهي ... هتيجي اهي )

انا أرى يا سيدي القاضي أن مشاركتنا لا يوجد أي مبرر لوجودها هنا في هذه الconference من الأساس ..

القاضي : ( غطيني وصوتي يا وليه ... هيقولي بقه حقوق انسان وحبوب اللسان ... وشوية conference تتبدر صحفيين وامن مركزي .. وكله يسيب اللي في ايده وييجي بقه يتفرج على جنابي ... يا سلام والله .. انا ناقص ... منا مداري أهو ومحدش يعرف عني حاجه ... سيبك انت أنا عارف انه اهبل اهبل يعني وهو يوم الكبدة دا بيبان من اوله ) امال فين يا بني ... مش دي مشاركه ودي conference ودا قاضي ودا دفاع .... عايزها فين ؟ في المدبح ؟؟

الدفاع : مقصدش يا ريس .. اصل انا شايف ان المشاركه ملوش لزمه انها تبقى كدا في الconference ... هي تتلم في الدرا كدا وخلاص ...

القاضي : ( صبرنا يارب .. هي مين دي اللي تتلم في الدرا بس ... الله يخرب بيوتكم عالكليات اللي مطلعاكم حمير تيجوا تقرفوا في اللي خلفونا هنا ) بص يا حبيبي ... لو عايز تعمل دا كويس جدا ... اعمله ... اكيد كدا هيبقى احسن ... لكن دا بعد المشاركه ما تخلص... انت هنا في conference .. خلى اراءك دي لنفسك ... واخد بالك .. مفيش هنا غير المشاركه ومالاخر يا بني ...انا عايز يا بني اسمع منك جملة مفيدة ... بس ...!




الدفاع : حاضر يا ريس ...طبعا المشاركه مرفوعه عشان نحدد نوعية ما يوضع في المدونه وكونه ( حلوة كونه دي ... مش بقولك هموتكوا ... نيا هاهاها ) كونه صالح للنشر لانه يضر باشخاص آخرين مثل صاحب المدونه ... ورافع الدعوى واللي كلفني بالدفاع ...برده ..




ياريس ... من حق أي حد أنه يكتب في المدونه الخاصة بيه أي حاجه هو عاوزها ... ما لم يسبب ضرر للآخرين ...ولا يجب تقييد حرية أي مدون من الكتابه ... لأن حرية الكتابه هي نور الأمل الذي ينير لنا مستقبل الغد الزهيد ( هموتكوا ... ولوحدي .. نيا هاهاهاها )




القاضي : زهيد ايه ... ما علينا شكرا يا بني ... اتلقح .. آآ أصدي أقعد ....




النيابه : اولا ياريس وقبل اي حاجه .. ان النيابه تطالب بتوقيع اقصى عقوبة ممكنه على المحامي ... الي بوظلنا دماغنا عالصبح ...




القاضي : انا معاك في النقطة دي جدا ... بس خلينا نخلص المشاركه الاول وسيبهولي أنا ..




النيابه : ياريس الموضوع واضح جدا ... أنا بصفتي صاحب المدونه يجب ألا نغفل أننا وبدون قصد قد نضر صاحب المدونه ... لأن احيانا كتابة المشاعر السلبية ... وربما الاقرار بانتصارها هو تأكيد لذلك ..




لذلك ومن غير كلام كتير زي واحد صاحبنا ...




نحن نطالب بوضع شعار للمدونه ... وتأكيده عن طريق كل المشاركات ... وبمساعدة الزوار كان الله في عونهم ... ان يردوا ويساهموا في رفع الحالة المعنوية للمدون ومساندته في المرحلة الجديدة ...




القاضي : قشطه ... حكمت الconference حضوريا ........




الدفاع : ياريس ياريس ياريس يا ريس ياريس ...




القاضي : انت لسه هنا ... بص اقولك على حاجه حلوة .. احنا نخلص احنا المشاركه وبعدين ابقى اعد اتكلم انت هنا براحتك ... لان اصلا كلامك مش هيفرق ...ولا على ايه .. بص .. اطلع بره يلا ... يلا من هنا جاتكو نيله مليتوا البلد ...
الحكم ومن غير مداوله ... ثبوت الدعوى من صاحب المدونه ضد صاحب المدونه ... وهو تغيير في المحتوى ورفع الحالة المعنوية والخروج من التركيز على المشكله ... بل الانتباه لمواضيع أخرى ... قد تهم الزوار .. وفي نفس الوقت تظل معبرة عن روح الكاتب ( حلوة روح دي ... فيلم رعب بقى وبتاع .. قشطة يا قاضي يا مصيتنا ) ... والابتعاد عن تضخيم المشكله .. بل التغاضي عنها وعدم اعرا .. اعررر ... اعيرت .. احم .. آآآ ... معايرتها وخلاص ... اي اهتمام ... المهم وهو الاهم هذا قرار موقع blogger الدولي ... وغير قابل للاستئناف ( ديموقراطيه بقى ! )




ياريس ياريس ...




هاتولي الكلب دا ...