Moro وبس !

عفوا ... سأعيش

Media !


بفكر كتير اليومين دول في المستقبل ...


ببساطه ومن غير كلام كتير ..

انا هقدر اغير وش الدنيا دي منين ؟؟

فين المكان اللي اقدر اساعد بيه الناس انها تعيش احسن ...

ونعدل حال امتنا ... امتنا الكبيرة ..


نحلم ببكره احلى ... نحلم ونحلم ونحلم ....

انا بدرس في كلية هندسة .. سنة تالته ...


باقيلي سنة واخلص ان شاء الله ...


بعدها عايز ادرس حاجه ليها علاقة بالاعلام ...

Panasonic Lumix TZ3 + personal review by Falcon EyE.

انا كنت بفكر ادرس اعلام .. وجه في دماغي معهد السينما ومعهد فنون مسرحية ...

ايوة انا بحب دا جدا ...

لكن هل اقدر اخش المجال دا وابدع فيه واظهر فيه مواهبي ... في ظل ما قد لا ارضى عنه ..

من جانب الاخراج ..

وهل ممكن اني احلم اني اغير وانا شغال في النضيف بس ؟؟


وهل ينفع اصلا اني اشتغل في النضيف من غير ما اخش في الباقي ...

ومن هنا تظهر فكرة كلية اعلام بقوة ...

ويبقى السؤال الاهم ..


اية الجزء اللي محتاج تغيير اكتر.. عشان اشتغل عليه ....

واية الجزء اللي انا اقدر اغير فيه ...

وانا هحلم ومش هبطل ...


لان الاحلام هي اللي هتخليني احقق اللي انا بقوله دا ...

مستني اي رأي ولو صغير ... ولو مخالف لكلامي ..

Flickr App - Camera Lens Icon by DRA Studio.

ماسك في نفسي !




ماسك في نفسي بايدي وسناني ...


ماسك في نفسي اوي ... خايف اقع ...

فرحان ...

وبخلي فرحتي تشدني لقدام ...


ماسك في نفسي ...

ماسك في نفسي بمعنى ماسك في نفسي ...

بشدها وبتشدني ... بحبها وبتحبني ...

وكأني باكتشف نفسي لاول مرة ...

وبقول علية جامد الواد دا ...

كويس ييجي منه ...

كل لما افكر ارجع احس بفرحتي بنفسي دلوقتي ...

وهو دا اللي يشدني لقدام ...

وكأن بقى اللي امتلكه كله اليوم وبس ..


الشوية اللي ماسك فيهم نفسي دول ...

انا عايز ابقى كو
يس ... تاركا كل شيء ...

واي شيء يقال ...


بجد ..

انا المرة دي عاوز ابقى كويس ..


وبعد الكلام دا برده هبقى كويس باذن الله ...

لان انا عاوز ابقى كويس ...

انا كويس وماسك في نفسي ...

وبشدها لقدام ...


بعثرة فكرية !

يتحرك قلمي سائلا الشفعه من قلبي الصغير ...

وكأنه يطلب الحياة بأسرها ...

ويجول بخاطري تلك الفكرة البسيطة ...

والابتسامة الخجولة ... النابعة من القلب ...

والتي لا يحركها سوى ابتسامة وضحكة من وجه طفل صغير ....

وكأنه قد بعث في الأمل في الحياة من جديد ...

يتحرك القلم متسائلا ... متعجبا ...

إلى متى الحزن ... هل ستستمر فيه للأبد ؟

أم أنها الثورة .. ثورة العمر كله ...

ثورة الحب ... ثورة حماية الحق في الحياة ...

لنحلم ؟

لنحلم !

لننحلم جميعا ... ونجعل أحلامنا هي أجمل ما نعيشه ....

صدقني يا صديقي .. ان الحياة ما هي الا حلم صغير جميل ...

لو تمسكت به ... سيظل حلما ...

لكن لو قاومته يصبح كابوسا .. كالضيف الثقيل .. منتظر زوالة يوما بعد يوم ....

لنمسك في احلامنا مهما حدث فانها تستحق ان نستمسك بها ...

احلموا ...

احلموا ...

احلموا ...!

وبس !

اسامينا شو تعبو أهالينا

تلاقوها و شو افتكرو فينا

الأسامي كلام .. شو خص الكلام .. عينينا هني أسامينا

لا خضر الأسامي و لا لوزيات

لا كحلي بحري و لا شتويات

و لا لونن أزرق قديم ما بيعتق

و لا سود وساع و لا عسليات

و لا فيهن دار دار الخمار

علينا و بلش يسقينا

تلج و ورق طاير و المسا حزين

و ضباب و قناطر نحنا بردانين

لملمنا أسامي اسمي عشاق

من كتب منسيي و قصايد عتاق

و صرنا نجمع اسامي و نولع

تصارو رماد و ما دفينا

Before the day that breaks falls on the land....Lift up your SMILE toward the risen SUN by A.Guandalini.

سفر وخناقه وفلسعه ...

كان يوما رائعا !

الحدوته بدأت يا ولاد الحلال .. اني رايح مصر .. ام الدنيا على رأي الناس ...

يا حلاوة يا ولاد ...

الاول كنت رايح انا وابراهيم صاحبي .. وبعدين رايح لوحدي .. وبعدين رايح انا وابراهيم صاحبي ...

مفيش حاجه بتفضل على حالها ...

والمهم ان التغيير في الاستراتيجيه بوجود ابراهيم او لأ دا اخد وقت ...

وانا ورايا ميعاد الساعه 11 ونص هناك ...

آه والله يا مؤمن .. حدااااشر ونص ..

المهم ...

بدأ التأخير من هنا ...

فوقفنا عالشون العظيم ( اهم ميدان في المحلة )

عشان ناخد ميكروباص محترم لأم .. الدنيا ..

فمفيش ميكروباصات ...

وأول واحد جه .. رايح مؤسسه بس ...

http://img225.imageshack.us/img225/9821/toyotamecroti8.jpg

كان ممكن نركبه وننزل المؤسسه وناخد المترو العظيم اللي انا معرفش فيه حاجه غير ان اهم حاجه فيه اني احافظ عالتذكرة ...

المهم ملقيناش اي بني ادم ركبه ..

جه اللي بعده .. رمسيس رمسيس رمسيس ...

والاجرة تسعه جنية يا حضرات ...

طبعا خادتنا المعزة ... لأاااااااااااااااااااااااااااااااا ..

انزل يا عم .. مش انا اللي يتعمل معاه كدا ...

ونزلنا ...

بلا ميعاد بلا كلام فارغ ... هو البني ادم ايه غير مبدأ يقف عليه ...

ونزلنا ..

وجه واحد ابن حلال .. يا جماعه نقسم البلد نصين 8 ونص وخلاص ...

لأاااااااااااااااااااااااااااااااااااا ... المعزة لسه مستمرة ..

مش احنا يا عم ... وخلينا واقفين ...

وواحد بيقولنا السواق اللي عمال يزعق دا مرة اتسحبت منه الرخصه كان زي الفرخة المسلوقة باين ...

المهم كان بيفرفر ...

والسواق كان عامل حوار .. ومش طالع والشويتين بتوع السواقين دول ..

المهم جه الميكروباص التاني .. 2008 بقى ... ويا جماعه لا مش احنا اللي نستغل الناس ...

http://www.soukalsyarat.com/photos/il171108947/DSCF5719-1.jpg

انا سواق جدع ... وعمرو صاحبي ( كان واقف معانا انا وابراهيم ) ..

راح حجزلنا وركبنا ...

والحمد لله لم نتعرض للاستغلال ...

لكن السواق كان بيقنعنا بمبدأ الراجل التاني ان المؤسسه ب 8 يبقى رمسيس ب8 برده ..

دا كلام ...المهم ما علقناش ....

والميكروباص كمل وخلاص طالعين ...

الاجرة يا جماعه 8 ونص ومفيهاش حاجه يعني ..

فهنا قلنا خلاص مش مشكله .. طالما من غير استغلال ...@!

هي راحت فين المعزة !@!

المهم ...

نزلنا رمسيس .. لقينا حريقه .. في عمارة كبيرة .. ومطافي والناس بتتفرج ..

والنار طالعة من الشبابيك وحوار ..

وبعد الحوار دات كله كانت الساعه 11 ونص ... فكنا كلمنا الراجل وقلناله اننا هنتأخر شوية ..

قالي يا راجل براحتك ..دا انا حتى اسلام هو اللي جايلي 11 ونص ..

قلت الحمد لله انا عموما هتأخر ...

مين اسلام دا ؟؟

ما علينا ..

نزلنا رمسيس ... كان ممكن نمشي لحد الاسعاف ( منطقة في مصر ... أم .. الدنيا )

فقررنا اننا نركب المترو ...

وفعلا .. واللي يسأل ميتوهش ...

http://www.moheet.com/image/46/225-300/469524.jpg

ونزلنا توهنا تحت وفضلنا نسأل لحد ما قالولنا اتجاه حلوان انزل جمال عبد الناصر .. الله يرحمه ..

طيب ..

يعني جمال دي بعد كام محطه ..

2

.. شكرا يا باشا ..

الساعه داخله على الا تلت الا ربع ...

البتاع جه ... ركبنا .. ونزلنا جمال ...

طبعا في اكتر من مخرج ... خرجنا من اي واحد والحمد لله طلع هو ..

لسه بقى هنركب نروح جامعة الدول ...

نلاقي الناس واقفه ومفيش ميكروباصات جامعة الدول ...

شوية وجه اتنين ..

ركبنا يا مؤمن ..

ووصلنا ونزلنا قبل شارع شهاب بشوية ..

وقلنا نمشيهم ... ما احنا مطمنين بقى عالميعاد ...

واسال يقولولي دا لسه ماشي ...

اكلمه يقولي معلشي بقى ما انت اتاخرت ...

منا قايل ل(....) ان انا هتأخر ايه الجديد ؟

ابقى تعالى بدري ...

لا والله ....

بقى بعد دا كله .. @@!!

على رأي حسن مصطفى ....

بقى ابنك انت يضحك علي انا ويبيعلي البتاع دا هو ويقولي دا بيقشر فاصوليا ...

وكانت المسخرة ..

كلنا عند كوك دور ...


http://img253.echo.cx/img253/9641/cookdoor5ju.jpg
وشربنا شوب عصير محترم في رمسيس ..

عند الراجل اللي جنب على بركة الله ....

ومش قايل مين على بركة الله ...

وقلنا نرجع ...

المحلة المحلة ..

نرجع مع مين بقى ..

اللي كان بيزعق في المحلة ...

ويشاء السميع العليم ان اللجنة توقفه ويتحول للمواطن الفرخه المسلوقه ...

زي ما الراجل ما قال ..

يمهل ولا يهمل ...

رايح أم .. الدنيا ... عشان آكل في كوك دور وأرجع ...

مالة البغل ؟!

حمدا لله عالسلامه !

خايف !

ساعات بحس ان انا خايف اوي ...

مش عارف من ايه ... بس بلاقي نفسي مش قادر افتح عينيا وعايز اهرب للامان ..

كنت فاكر ان دا وانا مسافر يمكن يكون منطقي ...

انما بقى مع تواجدي وسط مجموعه ...

بحس ان انا خايف اوي ... بدور عالامان ....

لما بلاقيه بهدى .. وقبل ما دا يحصل بحس وكأن الدنيا كلها بتجري ورايا ..

مش عارف ليه ...

سمعت اغنية الحياة وغنيتها لنفسي ...

بحس ساعات ان حاجات صغيرة اوي بتفرق معايا ...

يعني لو حد طبطب عليا وقالي متخافش ممكن يفرق معايا اوي اوي اوي في لحظة زي دي ..

ومعرفش ليه لما بخاف بفتكر ابويا ...

معرفش ليه ... يمكن كان عشان كنت هبقى ضامن جرعة حنان متدفقة في ثواني ...

ودا مش السبب ... لكن لما بيحصل بفتكره ....

ويمكن هداني اوي اني قاعد بسمع فيروز ...

في ليسته كنت عاملها من فترة ...

قد ايه هديت لما دا حصل ...

تتحرك انغام الموسيقى بداخلي ... وتقولي اهدى اهدى اهدى ....

خلاص امااااااااااان ... اطمن ......

حالة كدا معرفش ايه ...

انا اللي بيجي في دماغي بكتبه ...

من غير تفكير او فلتره ... او اي حاجه ..

حسيت اني عايز اقول الكلمتين دول اوي ...

وعلى رأي غادة عبد العال ... اللي ملوش اهل .. اهل المدونات اهله ...

الطير بيسافر وبيرجع ... الدنيا بتاخد وبتدي ... الليل لو طول هيعدي ...

الحياة ...

:)

على الرغم اني مش قادر ومش شايف قدامي .. إلا إني حبيت أكتب البوست دا ...

أبارك فيه لنفسي .. إني الحمد لله قدرت ارجع .. كويس ماسك نفسي .. قادر أكون أنا ..

بالشكل اللي انا عايزة .. هو مش كله .. بس أنا مبسوط ..


أنا هكتب بوست تاني بكرة ان شاء الله اعبر فيه عن فرحتي ..

:)


أنا مين ؟؟؟!

ببساطه ..

فجأة لقيت نفسي فاقد لحاجات كتير فيا ...

عارف لما تلاقي نفسك فجأة شغال كدا وخلاص .. الموجود يسد ..


فين أنا ؟؟؟

لقيت ان انا في المرحلة الانتقاليه دي في حاجات كتير من معدتش بعملها ...

فببساطه قربت انساها ؟؟

فاللي يعرف عني حاجه كويسه ولقاني معدتش بعملها ياريت يقولي عليها ..

لأني عايز ارجع أنا ...

اسكندريه ... بحبها !!












94 % !!!!

ss.bmp (image)[ss.bmp]

لا والله .. محدش قالي يعني ..

اهم حاجه الاستفتاءات الرسمية ..

حاجه حقيقية فعلا و معبرة عن نبض الشارع المصري اللي قرب يقف من كتر النقطه ...

بس النسبة قلت المرة دي بقت 94 % ليه كدا ؟

الاهرام العريق .. فعلا يستاهل كل احترام هو كمان ...

الصورة مأخوذه من مدونة http://salimsalah.blogspot.com/

بحب الدنيا لما ..

لما اشوف اصحابي اقصد اخواتي ونضحك من قلبنا اوي ...

لما احس اني فرقت في حياة انسان ...

لما اشوف حاجه عملتها تحسسني اني محترم ...

لما اصور صورة حلوة ... واعد اتنطط زي المجانين في الشارع في اسكندرية عشان اجيب لقطه معينه !

لما الدنيا تمطر فأحس بالدفا ... مش فاهم ايه الرابط بس انا بحس بكدا ...

لما العب مع ولاد صغيرين واشتغلهم ويصدقوا ويضحكوا بجد من قلوبهم ...

لما اكون سبب في سعادة من حولي ...

لما احس ان الناس بتحبني لشخصي بشكلي بكلامي بارائي بسلطاتي بكل حاجه !!

لما حس ان ليا بلوج صغنونه بتاعتي اكتب فيها وقت لما اعوز اللي انا عاوزه ...

لما اقرا حاجه حلوة واتشد فيها ...

لما اكتب البوست دا !

الفكرة مأخوذه من مدونة مع نفسي ( كتاب اما هذه فرقصتي أنا )

على صوتك بالغنا ..


على صوتك بالغنا ..


قد يكون من العسير قول هذا في بعض اللحظات ..


إلا أنه قد جذب انتباهي هذا التزاوج الفني .. واكرر الفني فقط ..


بين الست فيروز .. ومحمد منير ...


فالاثنان لهما مذاق خاص ومميز جدا .. وياله من مذاق ..


وكثير من مبدعي هذه الايام وفئة ليست بالقليله يؤيدون هذا التزاوج الفني ..


و ان منير وفيروز اصبحت علامه مميزه .. علامه خاصه ..


ان دلت فانما تدل على ارتفاع المستوى .. وارتفاع الذوق الفني ..


والاثنان تاريخ ..


منير اللي قال ...


"يهمني الانسان ولو ملوش عنوان ..."


"ولو بطلنا نحلم نموت .."


"الدنيا لو جارحه لونها لون فرحه .."


"صدقني حاسس بيك في عز خوفي عليك ..."


"اخرج مالبيبان الحر الضيقه ..الكون صابح جميل والدنيا مروقه"


"سؤال بسألك ايه اخرة الترحال ... دمعتي موالي والحنين جتال .."


وكتير كتير ..


حبيت اسمع منير واعيش معاه .. حبيت منير ...


حبيت الكلام اللي طالع من القلب ...


اصل اي كلام يتقال باحساس يستاهل يتسمع ...


وحبيت الست فيروز ..


اللي قالت ..


"نحن والقمر جيران .. بيته خلف تلالنا "


"دق الهوا عالباب .. قلنا حبايبنا .."


"ليالي الشمال الحزينه .. ظلي اذكريني اذكريني"


"سنرجع يوما الى حينا ..."


"يا مرسال المراسيل خدلي بدربك ها المنديل واعطيه لحبيبي .."


"تذكر اخر مرة شفتك سنتها .. تذكر اخر كلمة قلتها .."


وكتير كتير ..


وحبيبي هنا .. مش شرط الحبيب التقليدي ...


حبيبي دا ممكن يبقى نفسي .. ايوة من حقي اني احب نفسي ..!


وممكن يبقى الحبيب التقليدي لكن لو في ..!


ولو هتكلم في الحب مش هلاقي كلام ارقى ولا انضف من كدا ..


انا بحب نفسي ... ودا على عكس سنين فاتت ..


وانا اللي عارف الاحترام فين .. وهروح عليه ..


انا مش مستني حد يحددلي الاحترام فين .. ودا اختياري انا ..


وانا مش مكسوف من كلامي دا بالعكس .. دا وضوح مع النفس ..


لأني بوش واحد مش بوشين ..


وعلى صوتك بالغنا ...

كان يوما رائعا ...

فمن العسير أن يوصف وصفا آخر غير هذا ..

قلما تبتسم وتضحك وتبكي وتستمتع في نفس الوقت ...

قلما تجد جو من الاحترام ..

مغلفا باحاسيس معبرة في مكان واحد ..


انا اسعدني انني تواجدت في هذا المكان ...

ملتقى الشعراء بكلية الطب .. جامعة طنطا ..

فانا استمتعت وضحكت وبكيت وابتسمت وتشجعت ..

وكأن لي بطارية قد تم ملأها وشحنها بالتواجد هناك ..

اسعدني رغبة الجميع في انجاح اليوم ...

انا سعيد بالتواجد معهم ..

واتمنى تكرار هذا اليوم مع تلك الصحبة كثيرا ..

About this blog

مدونتي هي صوتي ... هي منبري .. هي أنا !

صندوق الموسيقى


MusicPlaylist

ما برميش زباله في الشارع

Facebook Badge

من أحب أن أتابعهم !

لو بتدور على حاجه ... دور هنا :)