بفكر كتير اليومين دول في المستقبل ...
ببساطه ومن غير كلام كتير ..
انا هقدر اغير وش الدنيا دي منين ؟؟
فين المكان اللي اقدر اساعد بيه الناس انها تعيش احسن ...
ونعدل حال امتنا ... امتنا الكبيرة ..
نحلم ببكره احلى ... نحلم ونحلم ونحلم ....
انا بدرس في كلية هندسة .. سنة تالته ...
باقيلي سنة واخلص ان شاء الله ...
بعدها عايز ادرس حاجه ليها علاقة بالاعلام ...
انا كنت بفكر ادرس اعلام .. وجه في دماغي معهد السينما ومعهد فنون مسرحية ...
ايوة انا بحب دا جدا ...
لكن هل اقدر اخش المجال دا وابدع فيه واظهر فيه مواهبي ... في ظل ما قد لا ارضى عنه ..
من جانب الاخراج ..
وهل ممكن اني احلم اني اغير وانا شغال في النضيف بس ؟؟
وهل ينفع اصلا اني اشتغل في النضيف من غير ما اخش في الباقي ...
ومن هنا تظهر فكرة كلية اعلام بقوة ...
ويبقى السؤال الاهم ..
اية الجزء اللي محتاج تغيير اكتر.. عشان اشتغل عليه ....
واية الجزء اللي انا اقدر اغير فيه ...
وانا هحلم ومش هبطل ...
لان الاحلام هي اللي هتخليني احقق اللي انا بقوله دا ...
مستني اي رأي ولو صغير ... ولو مخالف لكلامي ..
Media !
مرسلة بواسطة
moro_wbs
at
الاثنين، 30 مارس 2009
9 التعليقات:
ارجع واقول
مفيش افضل من التدوين
ساحة اعلامية ، فكرية ، وكل حاجة
كلامك جميل والمدونة اجمل
تسلمى
اصحى يا مصر : اسلام ديو
شكرا يا جميل على زيارتك لمدونة أخوك :)
وبالفعل المدونات حاجه روعه ..
شكرا على ردك الجميل ...
ومين قال ان الطريق السهل هو الصح؟؟؟
ومين قال ان تغييرك يبدأ بعد ماتشتغل؟؟
مش يمكن هدفك أوسع من كدة؟؟ انك أصلا تغير المفهوم... تغير الوسط ... تغير الأول لجوة مش لبرة ....
انتا تقدر تنفع مطرح مابتحب يا مورو من غير ماتتنازل ... ومن غير حسابات تانية .... قرر من غير ماتبص للناس او الظروف لان كل حاجة فيها الصح والغلط ... الكويس والوحش ... والظرف العام مخلي الوحش والغلط صوتهم اعلى في اماكن كتير ... ويمكن يكون هو ده دورنا ... اننا نقدم بديل صوته عالي برضه ...
وافتكر ان فيه محمد صبحي مثلا ... ومهما كانت اي انتقادات ممكن توجهله الا انه تجربة جديرة بالاحترام من اول يوم وقف فيه على خشبة مسرح علشان يخرج او يمثل ... وعمل ده في وسط الوحش والغلط ...
دورك مكان ماتحب .. ومتخافش على نفسك ... انتا اقوى من انك تتنازل او تستسلم ... مهما كانت الظروف اللي حواليك ... انتا متعرفش تعيش غير محترم
:)
والله انا لمحت ظلال القرارمن بين ثنايا الكلام.
وانا شخصيا بشجعك جدا لتنفيذ القرار .وانا عندى ثقة ان تواجد كل انسان فى مكان محدد لحكمة لا يعلمها الا الله. يعنى قد تكون دراستك للهندسة تدعم فكرك وموقفك فى دراسة النصوير مثلا...يعنى ممكن تكون انت بتعدى مرحلة للوصول لهدف اكبر.ورايى بعد شهادتك تحاول تكمل فى دولة متخصصة فى المجال الى تختاره وخاصة لوكان التصوير.
اماباقى الكلامvepoo قالو كله.
إزيك يامورو ...عامل إيه
كويس ان تفكيرك يكون إيجابي بالشكل ده ..لأن في ناس كتير مش هاممها الحوار ده كله
لكن بما انك في سنة ثالته هندسه ..ولس قدامك سكة طويله عشان تثبت نفسك ..
الإنسان اللي عايز يثبت نفسه ويفيد امته ممكن يفيدها مجاله وأنا شايف ان الهندسة مجال ممكن الواحد يفيد فيه امته ...الطرق المؤدية الى النجاح متعدده لكن الهدف واحد وهو النجاح ايا كان الإعلام او الهندسه او الطب او حتى الطاقة الذرية ولكن في النهاية اذا اتقنت مجالك ستحقق النجاح لك ولأمتك
vepoo
عارف يا عمرو انا مش راضي ارد من يوم ما انت كتبت عشان بفكر ...
لكن انا بخاف على نفسي .. وبفرح بنفسي برده ...
عارف لسة امبارح كنت في حفلة اليتيم ...
انت ممكن بابتسامه صغيرة لولد صغير تبقى فوق فوق ... وممكن لو زعلته زعلة صغيرة تزعل من نفسك أوي ..
الحاجات الصغيرة بتفرق .. فانا لازم اخاف على نفسي .. عشان اقدر اكون زي ما انت بتقول ... محترم ...
انا مش لاقي في نفسي اني اطلع فيلم سينما .. او الحركة عالمسرح ..
معرفش يمكن عشان مدخلتش المجال دا اصلا فمحبيتوش ؟!
مش عارف بس انا معنديش استعداد اجرب .. مش هخش حاجه انا مش حاببها تاني ..
انا هخش على اللي انا بحبه ... ومن هنا اقدر اغير اي حاجه ..
مسرح محمد صبحي محترم ..وفي شغل سينمامحترم ..
بس انا محبيتش دا ..
عارف انا ممكن ابقى مونتير كويس .. وبعدها ابقى اشوف .. ممكن ساعتها ابقى مخرج كويس ...
عشان كدا هدرس وبسأل ..
نورت كالعاده :)
reem
هو لسة مبقاش قرار .. لكنه ممكن يكون مشروع قرار :)
بالنسبة للتصوير .. وضيفي عليهم كمان المزيكا .. بالاضافة للفيديو ...
الابداع بشكل كامل .. دي متعتي ...
موضوع بره مصر دا هيبقى صعب ..
وبالفعل انا اتخطيت في اماكن كتير بلورتلي شكل معين لنفسي واللي انا انفع فيه انا نفسي مكنتش متخيله خالص ...
سبحان الله ..
وانا قاعد بفكر في المستقبل ... ومش عارف بكرة ربنا هيرزقني بايه ..
فالحمد لله على ما انا فيه ... وربنا يرزقنا الحلال والصواب وما يرضيه في المستقبل ...
شرفتيني :)
Hu-man
الطريق طويل .. بس جميل ...
والاتقان عندي ما بيجيش بغير الحب ...
فلازم احب اللي بعملة ... عشان اعمل اللي بحبه ...
والهندسة مش طريقي .. ربنا يكرم كدا في طريقي اللي انا مختاره دا ...
Greetings from Idaho! I'm bored to death at work so I decided to check out your blog on my iphone during lunch break. I really like the info you present here and can't wait to take a look when I get home.
I'm shocked at how quick your blog loaded on my mobile .. I'm not even using
WIFI, just 3G .. Anyways, wonderful site!
Feel free to visit my web site :: savings account payday loans
إرسال تعليق