ميوزيك لياسر عبد الرحمن ... روعه :)

الميوزيك اللي انا ضفتها بتاعة ياسر عبد الرحمن دي روعه روعه روعه ...

بجد جديرة بالاستماع

:)

عودة صندوق الموسيقى

عودة صندوق الموسيقى للمدونه ...

والبدايه مع فيروز ...

بيسان

بيسان

كلنا خالد محمد سعيد :(

كلنا خالد محمد سعيد .....

كلنا ....

اللي حصله ممكن يحصل لأي حد فينا ...

عايزين ما نسكوتش ....

عايزين نفضحهم ...

حقه مش هيروح هدر ...

مش هننسى لما كاس العالم يشتغل ...

مش هننسى ...

احنا مش صراصير يتداس عليها كدا من غير تمن ...

دا الخبر

ودي البيج الي على الفيس بوك

كلنا خالد محمد سعيد

يارب ...

فيض من الاحساس !

فيض من الاحساس يتهادى كموجة كبيرة يتناثر منها رذاذ حلو يغرق الروح
وينعشها .... ويتنامى للسمع صوت بحر الجمال ذاك متما لصورة متكاملة من حالة
الابتسام الرقيق الحاني ...
ابتسام له طعم الكفاح والفرحة ... الوقوع
والقيام .. الفشل والنجاح ... نشوة الحياة ...
...( انا عندي سر .....
عندي سر خطير .... انا عندي سر .... لازم يتشال في بير .... السر ان الحياة
لازم تتعاش .. واللي يكرهها مايستاهلهاش ... ودا يا ناس ... سري ... سري
الكبييير )
وساعات بيترسم على وش الدنيا بسمة كبيرة سمرا شعرها مفلفل
وبتحب منير .... وساعات قلبها يتملي شجن من نظرة حزن في عنيه ... وساعات
يصحي الكل بصرخة احساس مليانة ... وساعات يسرح بيها لحد ورا مد البحر
والسما ....
وساعات ينسى الدنيا ويتنطط زي العيال لما كلمة صغيرة ولا
حتى نظرة ولا ابسط كمان من كدة اشارة تفرحه ...
مجدافين ... مركب ...
سما .... جناحات متقلاها المية ....

الكلام دا اتقال عليا ... تخيلوا ... والفيديو دا عني

:)

شكرا من القلب ... عمرو سمير ... على الفيديو والكلام الرائع دا ..

لقد انرتم حياتي .... واعدتوا لها الالوان مرة أخرى ...

أنا مش لوحدي :)

عيد ميلادي .... واشياء اخرى :)

البوست رقم مائة وخمسون :)

واليوم هو يوم مولدي ...

وها أنا ذا أعود لمدونتي مرة أخرى ...

......................................

أنا أكره الظلم ...

أن يظلم انسان ... ويحاسب على ظروف ومواقف ليس له يد فيها ...

أن يظل انسان يعاير بأهله و يظل المجتمع يعامله بهذا المبدأ متناسيا حق هذا الانسان في ان يعيش ... بأهله ... وحقه ألا يتخلى عنهم ... و ألا يكرههم ... لأن المجتمع يطالبه بذلك ...

أنا أكره الظلم ...

و هناك الكثير ... مظلومين في هذه الدنيا ....

وهناك مواقف قليله ...

تستطيع ان تساعد فيها مظلوما .....

لا تفقدها ...

فتلك المواقف هي مواقف الرجال ...

أنا أكره الظلم ...

يالا ...

كلمتين كدا قبل ما اقوم اتعشى ...

واكمل مذاكره ...

كل سنة وانا طيب ...

:)

عودة فيروزيه :)

عدت الى فيروز :)

قريبا باذن الله هرجع البلاير ...

بميوزيك مختلفه اكيد ان شاء الله :)

عوده ... ولكن !

مضى وقت كبير ...

ولم أكتب مثلما اعتدت على مدونتي ...

ياه ... اوحشتني كثيرا ...

............

حاسس بغربه من كل حاجه ...

وكأن كل شيء حواليا اتحول ....

بقى بلغة غير مفهومه ...

كتر الكلام جوايا ...

لكن وقف النطق ...

احساس غريب ...

مش كبير ... لكنه موجود ... وحاسس بيه ...

انا عارف ...

انا عارف اني خدت خطوة مش سهله ...

وعارف انه منها ...

بس ...

دا ما يمنعش ...

اني عايز افضفض شويه ...

عارف انا نفسي في ايه ؟؟؟

انا نفسي اصرخ باعلى صوت ....

واجري اجري اجري ...

واحس بنشوة ....

تملاني ...

هوا نقي ...

ينقيني ...

يعليني ...

يحتويني ...

اتوه بيه وفيه ...

واطييييييييييير ... لفوق ...

وابعد عن اي شيء ...

ممكن يؤرقني ...

ونستمر ...

:)

قصة غرام

نفسي أوي ...

ف قصة غرام ..

لحظة هدوء ..

تحميني من حزني ..

ومن مر الكلام ..

معدش ينفع ..

أبقي ريشة في الهوا ..

ولا عدش تنفع ..

تبقي عيشة والسلام ..

نفسي أوي ..

لحظة هدوء ...

قصة غرام ..

من غير كباري تخضني ..

بصوت الحديد ..

من غيرما روح المدرسة ..

تلميذ بليد ...

من غير ما قول ..

واللي أقول أرجع أعيد ..

نفسي أوي ...

ف قصة غرام ..

من غير عقد ..

من غيرغرور ...

من غيرعساكر المرور ...

من غير شروط ..

من غير طريق ..

ساكت جبان ..

مستني إذن عشان يفوت ...

من غير نمر فوق البيوت ..

من غير ما عيش ..

عشان أموت ...

نفسي أوي ..

أرجع لروحي تضمني ..

وأحبها .. وتحبني ..

ماهو برضة قلبي ..

وأمر قلبي يهمني ..

نفسي أوي ..

ف قصة غرام

كلمات الرائع .... علي سلامه