قصة غرام

نفسي أوي ...

ف قصة غرام ..

لحظة هدوء ..

تحميني من حزني ..

ومن مر الكلام ..

معدش ينفع ..

أبقي ريشة في الهوا ..

ولا عدش تنفع ..

تبقي عيشة والسلام ..

نفسي أوي ..

لحظة هدوء ...

قصة غرام ..

من غير كباري تخضني ..

بصوت الحديد ..

من غيرما روح المدرسة ..

تلميذ بليد ...

من غير ما قول ..

واللي أقول أرجع أعيد ..

نفسي أوي ...

ف قصة غرام ..

من غير عقد ..

من غيرغرور ...

من غيرعساكر المرور ...

من غير شروط ..

من غير طريق ..

ساكت جبان ..

مستني إذن عشان يفوت ...

من غير نمر فوق البيوت ..

من غير ما عيش ..

عشان أموت ...

نفسي أوي ..

أرجع لروحي تضمني ..

وأحبها .. وتحبني ..

ماهو برضة قلبي ..

وأمر قلبي يهمني ..

نفسي أوي ..

ف قصة غرام

كلمات الرائع .... علي سلامه